古乳有晕,「相见好,同住难」 ,要搵到一个好roommate,既讲人品更讲运气!好彩畀你遇到个好roommate,同你开心share啲家务,仲可以一齐毒住过圣诞同除夕,就真係冇得弹呀~不过如果畀你遇到呢位台湾网友做Roomate,就唔知你开心定无奈好喇。

同房话再甩底就瞓厕所咁我帮佢布置定间新房啦!

是咁的,有位网友话次次去做运动都有个同房甩底喎。咁同房你就唔啱啦,话晒有啲运动起码要两个人先做得㗎嘛,例如打友谊……羽毛波呀。呢个同房誓神劈愿话下次唔会甩底,再甩就瞓厕所咁话喎,嗱,讲好记得找数呀,厕所都洗定等你喇!

同房话再甩底就瞓厕所咁我帮佢布置定间新房啦!

唉,人类总是⋯⋯同房好明显又甩底啦~作为佢嘅好同房,大家梗係要「禁室培育」呢个找数真汉子啦!不过个个都咁锡佢,又点捨得佢瞓个臭臭厕所呢?于是大家发挥互助互爱嘅合作精神,帮佢厕所大改造,又铺垫又喷香水,等佢返嚟有个5星级的房呀!

同房话再甩底就瞓厕所咁我帮佢布置定间新房啦!

仲要连搬嘢都唔使麻烦呢位同房,所有佢要用嘅嘢一应俱全,唔止帮佢装好电脑同拖苏,连檯灯同风扇仔都帮佢準备埋,kind of sweet! 

同房话再甩底就瞓厕所咁我帮佢布置定间新房啦!

同房话再甩底就瞓厕所咁我帮佢布置定间新房啦!

不过同房返到嚟竟然唔领情,仲有啲嬲嬲猪?~同房呀同房,你知唔知而家有埋私家厕所嘅套房几难搵呀,入面仲有埋高科技感应式抽气扇同灯,可以较时间长短同亮度,简直係quality of life 呀~你问咁呢间房入面嘅其他人唔会冇厕所用咩?傻猪嚟嘅,梗係间房有两个厕所先咁玩啦,所以呢,香港嘅朋友,这些机会冇你份㗎喇。

封面图片及dcard